O MÁXICO MUNDO DAS PLANTAS

Coa chegada da primavera, no cole estivemos traballando as plantas.

Primeiro sementamos lentellas en botellas recicladas que convertíronse en divertidos monstros peludos.

Descubrimos como da semente da lentella xermolou unha pranta. 

 

1ºA

1ºB

2º A

Medraron moito e poidemos levalos para casa.

Despois observamos as partes dunha planta de loureiro 

(semente, raíz, talo e follas) e  plantámola nun vaso de iogur.

2ºB

Tamén fixemos unha "minihorta" nunha caixa de froita onde plantamos tomate, calabacín, rabos e fresas.

Aprendemos que antes de sair os froitos nacen as flores.

    FLORES DE CALABACÍN

 

FLORES DE TOMATE 

 

Despois das flores nacen os froitos!

Mirade como medraron os calabacíns!

 

E as tres flores de fresa convertíronse en tres fresas ben maduras!

                                          FRESAS

                           CALABACÍN

 

 

Para observar como nacen as flores, collemos bulbos de gladiolos. Ao principio pensamos que eran pequenas cebolas e vimos como brotaban as follas. 

Tamén fixemos a nosa aportación a horta do cole con PLANTAS DE XIRASOL.
 

Plantamos as pipas en briks decorados que levamos a casa para trasplantalos e poder ver como nace a flor do xirasol coas pipas durante o verán.

 

 

Seguro que vai ser moi divertido!  💚💚💚

Se queredes podedes facerlle fotos para poder compartirlas á volta das vacacións!

DÍA DA MULLER

 O 8 de marzo é o DÍA INTERNACIONAL DA MULLER.

No cole este ano 1º e 2º curso traballamos as mulleres galegas no deporte.

Investigamos o seu historial deportivo, datos da súa biografía... e descubrimos que estamos rodeados de moitas campionas.

Así quedaron os nosos traballos!!!

Ademáis tivemos a gran sorte de poder falar con Cristina Fernández Piñeiro por videoconferencia. Contounos un montón de cousas da súa vida, das súas experiencias, da súa profesión de árbitra... e ensinounos a antorcha olímpica que portou nos Xogos Olímpicos de Barcelona en 1992😱😱😱

 

 

DÍA DE ROSALÍA

Este curso, o 24 de febreiro para conmemorar o día de Rosalía os nenos e nenas de 1º e 2º 

"Xogamos coa poesía".

En 1º fixemos un recital de poesía versionando un pequeno poema do Libro Cantares Gallegos que seguro que todos coñecedes:

Eu ben vin estar o moucho 

enriba daquel penedo.

Non che teño medo, moucho;

moucho, non che teño medo!

Rosalía parece que lle tiña medo ao moucho, e nós a que lle temos medo?.

Nestes vídeos poderedes descubrilo!!!

👇👇👇👇👇👇👇👇👇👇👀👀👀👀👀👀👀👀👀 

EQUIPOS 1º A 

 

EQUIPOS 1º B   

Hai moitos animais que dan un pouquiño de medo, seguro que todos e todas, mamás, papás, irmáns... tamén estades pensando nalgún!

Podedes deixar os vosos comentarios poñendo o nome dalgún deses animais que vos dan máis medo!

😱 😱 😱 😱 😱 😱 😱 😱 😱 😱 😱 😱                  

En 2º quixemos saber cousas da vida de Rosalía de Castro, traballamos algunha das súas poesías, compuxemos un crebacabezas e aprendemos unha canción da cantante Uxía para recitar, titulada "Rosalía pequeniña". 

Entrade nos enlaces para escoitalos!  

INTRODUCIÓN

 

AUDIO DE ROSALÍA PEQUENIÑA (1ªparte)

 

AUDIO DE ROSALÍA PEQUENIÑA (2ª parte)

Outra actividade que quedou tamén moi bonita foi a do collage. Sabedes que hai moi poucas fotos de Rosalía e si moitas caricaturas e debuxos, nós atrevémonos a facer unha caricatura dela. 

Aquí tedes o resultado:

 

 

 

Animádevos a facer vós as vosas caricaturas de Rosalía, veredes que divertido!😀😀😀

 

Ademais participamos con todo o cole na elaboración do mural de Rosalía.

O ENTROIDO

Os superheroes e superheroínas de 1º e 2º chegaron hoxe ao cole de Sobrada.

Teñen moitos superpoderes marabillosos e estamos seguros de que nos axudarán a que todo vaia a millor!

Atrevédesvos a descubrilos?

30 DE XANEIRO, DÍA DA PAZ

Este ano celebramos o Día escolar da non violencia e da paz cunha actividade na que participamos todo o alumnado do centro.

Fixemos unhas mans nas que escribimos palabras, sentimentos e emocións que relacionamos coa paz para decorar a ÁRBORE DA PAZ do CEIP de Sobrada.

Mirade as fotos e descubrirédelo! 👀👀👀

   1º A

1ºB

    

    2º A

 

     2º B